Litir í Diamond Feng Shui

Hvaða litur segir þú að sé kóngablár? Hvernig bleikur er bleikur?

Litir og litbrigði eru með óendalega fjölbreyttum hætti og einnig er mjög mismunandi hvernig við skynjum þá og túlkum. Í fjörurra manna hóp er hægt að fá fjórar ólikar skilgreiningar á einstaka litum og endalaust flæði af mismunandi túlkunum á því hvað einstaka litir tákna.  

litir.5.6cm

Upplifanir tengdar litum geta þannig verið mjög persónulegar og einstaklingsbundnar. Því er einnig eðlilegt að fólk tengi liti á mismunandi hátt við tilfinningar sínar og ýmsar aðstæður.

Það er athyglisvert að skoða hvernig Marie Diamond Feng Shui meistari vinnur með liti til að efla eða draga úr ýmsum áhrifum, bæði tilfinningalega og varðandi ýmsar aðstæður í umhverfinu. Áhugi hennar á því hve ákveðnir litir geta haft sterk áhrif á persónulega líðan og upplifanir hófst þegar hún var unglingur og hún kynntist áhrifum Feng Shui í fyrsta sinn. 
Á miklu erfiðleikatímabili í lífi hennar var það aldraður Feng Shui meistari sem ráðlagði henni að snúa rúminu í ákveðna átt (til að nýta eina af 4 góðu áttunum hennar) og mála einn vegginn í herberginu í orange lit.

Fljótlega eftir þetta fóru aðstæður að snúast henni í hag og hún tengdi vellíðan sína og gleði við þessar breytingar. Þar sem hún vildi fræðast meira um mátt litanna fór hún markvisst að hugleiða inn á notkun lita og með tíð og tíma og huglægri vinnu sinni með Feng Shui öldungum þróaðist ákveðin litaflóra 24 lita sem hún nýtir í dag við að efla margvísleg áhrif.

Allir einstaklingar eiga sér ákveðna hamingjuliti og líka styrkjandi liti sem ráðast af því hvenær þeir eru fæddir og hvaða frumelement er þá þeirra ríkjandi frumefni.

Þegar unnið er með áhrif "fljúgandi stjarna" t.d. á Feng Shui II - framhaldsnámskeiði, er m.a. unnið með alla tuttuogfjóra litina og hvernig við getum nýtt okkur þá.

Hamingjulitir og styrkjandi litir tengjast frumefnunum fimm; jörð, málmi, vatni, við og eldi.

Unnið með Feng Shui

Það er hægt að vinna með Feng Shui á all nokkrum sviðum. Þó margir tengi vinnu með Feng Shui eingöngu við uppröðun húsgagna, val myndefnis og skrauthluta* þá er það aðeins einn hluti af Feng Shui.

Rýmis Feng Shui* (= Space Feng Shui ).
Breytingar á híbýlum og umhverfi þeirra; Innrétting húsnæðis og uppröðun hluta, val myndefnis, form og lita. Það skiptir t.d. máli hvar speglar eru staðsettir nálægt aðalinngangi, hvar rúmum er valinn staður og hvernig vinnuaðstaða er skipulögð.
a) Áhersla er á að stýra eftir megni ferð og hraða jákvæðs orkuflæðis í gegnum íbúðina / húsið / fyrirtækið / skrifstofuna. 

Lesa meira...

Síða 6 af 6

KUAnr"KUA" númerið þitt segir til um hvaða 4 áttavitaáttir eru þér sérlega hagstæðar, t.d. S N AU og SAU.
KUA númerið byggist á kyni, fæðingardegi  og fæðingarári. 
Þú getur virkjað þessar áttir á ýmsan veg. Á námskeiðinu Feng Shui I vinnur þú út frá eigin KUA númeri svo og annarra fjölskyldumeðlima. Hver er besta árangursáttin þín? Hvernig nýtir þú þér það í dag? 



 

 

beta.alpha.350
 Athuganir sýna að tíðni heilabylgja getur farið úr Beta í Alpha (meiri slökun og betri einbeiting) við það eitt að fara úr herbergi þar sem orkuflæðið er ekki gott og inn í herbergi þar sem hefur verið unnið með Feng Shui. 

FlyingStars stefna 
Áhrif orkuflæðisins í íbúðinni geta verið ólík eftir því hvar er í íbúðinni og þau geta líka verið breytileg eftir tímabilum. Í Feng Shui er talað um 20 ára fljúgandi stjörnur, ársstjörnur og mánaðarstjörnur.  Áhrifin eru nefnd ýmsum nöfnum eins og til dæmis auðlegðarstjarna, samskipta- og samvinnustjarna, veikindastjarna og ósættisstjarna. Flestir eru spenntir að fá að vita hvar auðlegðarstjarnan er í íbúðinni. 

5frumefnin

Frumefnin eru fimm:
Frumefnið í suðri er eldur
Frumefnið í suðvestri, miðjunni og norðaustri er 
jörð

Frumefnið í vestri og norðvestri er málmur

Frumefnið í norðri er vatn
Frumefnið í austri og suðaustri er viður